Քուրդ գրոհայինները Թուրքիան կլքեն մի քանի օրից

Տարածաշրջան13:28, 15 Ապրիլ 2013

Քուրդ գրոհայինները Թուրքիան կլքեն մի քանի օրից

Թուրքիայի ազգային մեծ ժողովում (ԹԱՄԺ-TBMM) 36 պատգամավորներով ներկայություն ապահոված քրդական «Խաղաղություն և ժողովրդավարություն» (ԽԺԿ-BDP) կուսակցության խորհրդարանական խմբակցության փոխնախագահ Իդրիս Բալուքենը հանդիպել է լրագրողների հետ:

Ըստ թուրքական «Ջիհան» լրատվական գործակալության` Բալուքենը մամուլի ասուլիսի ժամանակ հայտարարել է, որ մի քանի օրից սկսվելու է «Քուրդիստանի բանվորական կուսակցության» (ՔԲԿ-PKK) զինյալների հեռանալը Թուրքիայի տարածքներից:

Քուրդ գործիչը նաև նշել է, որ խաղաղության գործըթնացը միայն քուրդ գրոհայինների զինաթափումն ու հեռացումը չէ, այլ նաև թուրքական իշխանությունների դեմոկրատական քաղաքականությունը, բոլորովին նոր հասարակական, տնտեսական, սոցիալական և մշակությային կյանքի կազմակերպումը:

«Մեր պատվիրակությունը հանդիպեց պարոն Օջալանի հետ: Նա վերահաստատեց իր վճռականությունը սկսված գործընթացը շարունակելու հարցում»,- ասել է քուրդ պատգամավորը:

Ermenihaber.am