Աթիլլա Քարթ. «Թուրքիայի օդային տարածքով զենք ու զինյալներ են տեղափոխվում Սիրիա»

Տարածաշրջան13:31, 18 Ապրիլ 2013

Աթիլլա Քարթ. «Թուրքիայի օդային տարածքով զենք ու զինյալներ են տեղափոխվում Սիրիա»

Թուրքիայի ընդդիմադիր «Ժողովրդահանրապետական կուսակցության» պատգամավոր Աթիլլա Քարթը կառավարությանը հարց է ուղղել, թե ինչու է Անկարան ստանձնել Սաուդյան Արաբիայի ու Քաթարի ներկայացուցչության դերը Սիրիայում ընթացող բախումներում:

Ըստ «CNNTurk» լրատվականի` ընդդիմադիր պատգամավորն այդ հարցը բարձրացրել է խորհրդարանում հրավիրած մամուլի ասուլիսի ժամանակ: Աթիլլան տեղեկացրել է, որ Թուրքիայի օդային տարածքն օգտագործվում է ինքնաթիռներով զենք ու զինված խմբավորումներ տեղափոխելու նպատակով: Հավելյալ նշել է, որ այդ մասին վկայող փաստաթղթեր ունի ձեռքի տակ:

«Թուրքիայի օդային տարածքը օտարերկրյա զինված ուժերի կողմից օգտագործելու առաջ բացելը և Սիրիայում ընթացող քաղաքացիական պատերազմում փաստորեն կողմի կարգավիճակում հայտնվելը բերում է նրան, որ խախտվում է Թուրքիայի սահմանադրության 92-րդ հոդվածը»,- պարզաբանել է ընդդիմադիր պատգամավորը:

Ermenihaber.am