Թուրքիան կդառնա տարանցիկ գոտի հյուսիսիրաքյան նավթի արտահանման համար

Տնտեսական08:25, 18 Ապրիլ 2013

Թուրքիան կդառնա տարանցիկ գոտի հյուսիսիրաքյան նավթի արտահանման համար

Հյուսիսային Իրաքի տարածքից դեպի Ջեհյան ձգվող նավթատարի կառուցման աշխատանքների 80 տոկոսն արդեն կատարված է: Այս մասին տեղեկացնող թուրքական լրատվամիջոցները նշում են, որ նավթամուղը շահագործման կհանձնվի ընթացիկ տարվա երրորդ եռամսյակում: Այդ տեղեկությունը հաստատվել է նաև թուրքական պաշտոնական շրջանակաների կողմից:

Բանն այն է, որ Քերքուից արտահանվող նավթը Թուրքիայի տարածքով դուրս կբերվի համաշխարհային շուկա: Այն գտնվելու է Իրաքյան Քուրդիստանի (Էրբիլ) վարչակազմի հսկողության տակ և ընթանալու է Թուրքիայի հետ գործակցության պայմաններում: Սա մեծացնում է Թուրքիայի` որպես տարանցիկ գոտու կարևորությունը:

Նշվում է, որ մինչև խողովակաշարի անցկացման ավարտը էներգակիրները կարտահանվեն ցամաքային ճանապարհով: Նախկինում Էրբիլը այդ հարցում գործակցում էր Բաղդադի հետ, սակայն ի հայտ եկած տարաձայնությունների հետևանքով դադարեց շարունակություն ունենալուց:

Ermenihaber.am