Էգեմեն Բաղըշը մեղադրում է բոլորին, բացի Թուրքիայից

Քաղաքական09:25, 25 Ապրիլ 2013

Էգեմեն Բաղըշը մեղադրում է բոլորին, բացի Թուրքիայից

Թուրքիայի պետնախարար, ԵՄ անդամակցության հարցերով գլխավոր բանագնաց Էգեմեն Բաղըշը հանդես է եկել հայկական սփյուռքին քննադատող հայտարարություններով:

Ըստ թուրքական «Timeturk» լրատվականի` նա մասնավորապես ասել է, թե սփյուռքը Հայաստանի ժողովրդի բերանը մեղր է դնում, սակայն այդ մեղրը թունավոր է:

«Ցեղասպանության պնդումներն առևտրի են վերածվել: Իսկ Թուրքիան չի կարող մաս կազմել այդ կեղտոտ առևտրին: Մեր հայ եղբայրներն էլ պետք է գործիք չլինեն այս խաղի մեջ: Այս պահին հայերի ապրելու համար ամենից հանգիստ երկիրը, ոչ Հայաստանն է, ոչ Ֆրանսիան է, ոչ էլ ԱՄՆ-ն, այլ Թուրքիան է: Մենք ինչպես երեկ խիզախորեն Հայաստանին բարեկամության ձեռք մեկնեցինք, այնպես էլ այդ ձեռքը այսօր կմեկնենք: Առանց այդ էլ Թուրքիայում ապրող մեր հայ քաղաքացիները որևէ խնդիր չունեն: Խնդիրը դրսի սադրանքներից է ծագում»,-ասել է նա:

Նշենք, որ հայկական սփյուռքին քարկոծելը և Հայաստանի ու սփյուռքի միջև սեպ խրելու ջանքերը թուրքական քարոզչամեքենանայի որդեգրած ուղղություններից մեկն է: Իսկ Թուրքիայում բնակվող հայերը բազմաթիվ խնդիրներից բացի ունեն նաև սեփական անվատնգության լուջ խնդիր, որին տեղյակ լինելով հանդերձ` թուրք նախարարը այնուամենայնիվ ստում է:

Ermenihaber.am