Էրդողանից պահանջում են Սբ. Սոֆիայի տաճարը գործարկել որպես մզկիթ

Տարածաշրջան07:40, 03 Մայիս 2013

Էրդողանից պահանջում են Սբ. Սոֆիայի տաճարը գործարկել որպես մզկիթ

Ըստ թուրքական «Սոնդաքիքա» լրատվական կայքի `Թուրքիայի «Բարեկեցություն կուսակցության» (ԲԿ-SP) Չորլուի մասնաճյուղի ղեկավար Մուրադ Վաքիթչին կոչ է արել Թուրքիայի վարչապետ Ռեջեփ Թայիփ Էրդողանին Ստամբուլի գրավման 560-ամյակի կապակցությամբ Սբ. Սոֆիայի տաճարը նորից գործարկել որպես մզկիթ:

«Դիմում եմ Սյումելա վանքում պատրիարքին պատարագ մատուցելու հնարավություն տվող և Վանի հայկական եկեղեցու գործարկելուն հնարավորություն տվող վարչապետին. Ստամբուլի գրավման խորհրդանիշը հանդիսացող Սբ. Սոֆիան արդյոք չե՞ք ուզում որպես մզկիթ վերաբացել և մահմեդականներին ուրախացնել, թե՞ նորից ուրախացնելու եք համաշխարհային իմպերիալիստներին` թույլ տալով, որ այն շարունակի գործել որպես թանգարան»:

Հիշեցնենք, որ Սուրբ Սոֆիայի տաճար, (Այա Սոֆիա) եղել է Բյուզանդական կայսրության գլխավոր քրիստոնեական տաճարը (6-րդ դար), Կոստանդնուպոլսի պատրիարքի նստավայրը: Այն համարվում է Բյուզանդիայի «ոսկեդարի» խորհրդանիշ: Oսմանցի թուրքերի կողմից Բյուզանդիայի մայրաքաղաքի նվաճումից քրիստոնեական տաճարը վերածվել է մզկիթի, այժմ էլ գործում է որպես թանգարան:

Ermenihaber.am