Թունջելիում եղբայրական գերեզման է հայտնաբերվել

Տարածաշրջան07:43, 07 Մայիս 2013

Թունջելիում եղբայրական գերեզման է հայտնաբերվել

Թունջելիի(Դերսիմ, պատմական անունը` Բերդակ) Լաչ ձորում գտնվող մի քարանձավում 1938թ. Դերսիմի շարժման ժամանակ մասայաբար սպանվածների ոսկորներ են գտվնել: Թունջելիցիները դատախազությունում քրեական գործ են հարուցել:

1937-1938թթ. Դերսիմի կոտորածների ժամանակ Լաչ ձորում սպանվածների հարազատները, 76 տարի անց արգելված գոտի մտնելով, գտել են հարազատների ոսկորները:
Նրանք լրագրողերի հետ միասին Թունջելիի կենտրոնից ոտքով 11 ժամ տևած դժվար ճանապարհորդությունից հետո հասել են պատմական վայրը:

Հըդըր Չիչեքը, որի հարազատների մեծ մասը սպանվել էր հենց այդ քարանձավում, իսկ հայրն էլ միայն հրաշքով էր կարողացել փրկվել, պատմել է .«Ամեն ինչ պարզ է, ոսկորների գլխին կագնած դժվար է ինչ-որ բան ասել: Չնայած որ առաջին անգամ եմ այստեղ գալիս, հորս պատմածների պատճառով կարծես այս քարանձավում եմ մնացած եղել: Մնացած աշիրեթների մի մասն էլ փախնելով գալիս է այստեղ: Այս կողմերում մի ուրշի քարանձավ էլ կա: Փրկվելով փախածները հենց այդ քարանձավի շնորհիվ էին փրկվում: Հորս պատմածների համաձայն` այս քարանձավում 500-ից 1000 մարդ է եղել»:

Մարդու Իրավունքների միության Թունջելիի մասնաճյուղը քարանձավում գնված ոսկորների հարցով դիմել է գլխավոր դատախազություն: Մարդու Իրավունքների միության Թունջելիի մասնաճյուղի փաստաբան Բարըշ Յըլդըրըմը, տեղեկացնելով, որ Լաչի ձորում գտնվող քարանձավում բոլոր տարիքային խմբերի պատկանող հարյուրավոր մարդկանց ոսկորներ են գտնվել, ասել է «Ցանկանում ենք, որ քարանձավում փորձագետների ներկայությամբ հետազոտություն կատարվի, պարզվի, թե ում են պատկանում գտնված ոսկորները»:

Ermenihaber.am