Թուրքիայի մասնակցությունը ԵՄ-ԱՄՆ ազատ առևտրի շուրջ բանակցություններին իրատեսական չէ

Տնտեսական08:53, 07 Մայիս 2013

Թուրքիայի մասնակցությունը ԵՄ-ԱՄՆ ազատ առևտրի շուրջ բանակցություններին իրատեսական չէ

Ամերիկայի Միացյալ Նահանգների և Եվրամիության միջև ազատ առևտրի շուրջ ընթացող բանակցություններում ԵՄ գլխավոր բանագնաց Իգնասիո Գարսիա Բերսեռոն, ըստ թուրքական «euroactiv.com»-ի, հայտարարել է, որ Թուրքիայի մասնակցությունն այդ պայմանագրին իրատեսական չէ: Ըստ նրա` երրորդ երկրների մասնակցությունն ուղղակի կդժվարացնի անդրատլանտյան առևտրի և ներդրումային համագործակցության բանակցությունների ընթացքը, այդ իսկ պատճառով ավելի ռեալ է, որ երրորդ երկրների հետ տարվեն զուգահեռ, բայց առանձին բանակցություններ:

ԵՄ ներկայացուցիչը տեղեկացրել է, որ ԱՄՆ-ին իրենք խորհուրդ են տվել Թուրքիայի հետ ազատ առևտրի պայմանագիր կնքել, և դրա արդյունքում էլ հնարավոր կլինի զուգահեռաբար բանակցություն տանել Թուրքիա-Եվրամիություն ֆորմատով:

Բերսեռոն նաև նշել է, որ զուգահեռ այդ պայմանագրերի ձախողման ու Թուրքիայի տնտեսության` վնաս կրելու դեպքում, հնարավոր է վերանայվի Մաքսային միության գործունեությունը:

Առաջիկա շաբաթ Թուրքիայի վարչապետ Ռեջեփ Թայիփ Էրդողանը ծրագրել է մեկնել Միացյալ Նահանգներ: Սպասվում է, որ այդ հարցը կլինի քննակումների օրակարգում:

Ermenihaber.am