Հետաքննություն Դերսիմի կոտորածների հետքերով

Տարածաշրջան15:04, 07 Մայիս 2013

Հետաքննություն Դերսիմի կոտորածների հետքերով

Թունջելիի Լաչ հովիտի քարանձավում գտնված մարդկային ոսկորների առնչությամբ Թունջելիի գլխավոր դատախազությունում հետաքննություն է սկսվել:

քարանձավում հայտնաբերված մարդկային ոսկորները, որոնք, ըստ տեղեկությունների, պատկանում են 400-500 մարդու, 1938 թվականին Դերսիմում իրականացված կոտորածների հետևանք են: Ինչպես հայտնում է թուրքական «cnnturk» լրատվականը, այն բանից հետո, երբ դրանք ցուցադրվել են հեռուստատեսությամբ ու թերթերով, Թունջելիի հանրապետական դատախազությանը ոսկորների հայտնաբերման փաստով հետաքննություն է սկսել:

Ոսկորների ուսումնասիրության համար Թուրքիայի գլխավոր դատախազի կողմից համապատասխան հանձնարարական է իջեցվել:

Դերդիմի կոտորածների ժամանակ ավելի քան 30 ազգական կորցրած Հընդըր Չիչեքը մեղադրական դիմում է ներկայացնելու: Չիչեքի հետ միասի նաև Չըրալը գյուղի բազմաթիվ գյուղացիներ քարանձավում գտնված ոսկորների հետ կապված մանրամասն ուսումնասիրություններ կատարելու պահանջով դիմելու են գլխավոր դատախազություն` պարզելու համար, թե դրանք քանի մարդու ոսկորներ են և ում պատկանում:

Թունջելիի գլխավոր դատախազությունը հայտարարել է, որ քարանձավում հայտնաբերված ոսկորների և մնացած իրերի ուսումնասիրության համար կարճ ժամանակում աշխատանքային խումբ կստեղծվի: Այս առիթով Թունջելիի գլխավոր դատախազության կողմից սկսված հետաքննությունը շարունակվում է:

Ermenihaber.am