Թուրք պատգամավորը առաջարկում է սահմանադրությունից հանել պարտադիր զինծառայությունը

Քաղաքական07:58, 10 Մայիս 2013

Թուրք պատգամավորը առաջարկում է սահմանադրությունից հանել պարտադիր զինծառայությունը

Թուրքիայի խորհրդարանում նիստի ժամանակ Ստամբուլից ընտրված անկախ պատգամավոր Լևենթ Թյուզելը, ուշադրություն հրավիրելով թուրքական բանակում վերջին ժամանակներս տեղի ունեցող կասկածելի մահացության դեպքերին, առաջարկել է այդ դեպքերը ուսումնասիրող հանձնաժողով ստեղծել:

Թյուզելը, ելույթում նշել է, որ Պաշտպանության նախարարության և Մարդու իրավունքերի պաշտպանությամբ զբաղվող հանձնաժողովի տվյալներով վերջին 10 տարում Թուրքիայի զորամասերում մահացել է 961 զինվոր:

Թուրք պատգամավորը, հիշեցնելով Բաթմանի զորամասերից մեկում հայազգի զինվոր Սևակ Բալըքչըի սպանության մասին, ասել է. «Ծառայակցի կողմից սպանված հայ զինվոր Սևակ Բալըքչըի սպանության գործն էլ փակվեց գնաց»: Նա նշել է, որ կասկածելի պայմաններում տեղի ունեցող նմանատիպ սպանություններին վերջ տալու համար պետք է ստեղծվի այս դեպքերն ուսումնասիրող հատուկ հանձաժողով, դատավարություններն էլ զինվորական դատարաններից տեղափոխել քաղաքացիական դատարաններ:

Կոչ անելով պարտադիր զինծառայությունը հանել սահմանադրությունից` Թյուզելը ավելացրել է, որ Թուրքական զինված ուժերի կառուցվածքը հակաժողովրդավարական է, ինչը հանգեցնում է բանակում ինքնասպանությունների ու կասկածելի սպանությաննների:

Ermenihaber.am