ERMENI HABER AJANSI

Թուրքական «Աքշամ» էլեկտրոնային լրատվականի հաղորդմամբ` Թուրքիայի զինված ուժերի գլխավոր շտաբը հայտարարել է, որ ՔԲԿ-ի (Քրդական բանվորական կուսակցության)  զինյալների տարհանման հետ կապված որևէ տեսանյութի չի տիրապետում: 

Գլխավոր շտաբի տարածած հայտարարության մեջ ասվում է նաև, որ անօդաչու թռչող սարքերի և ինքնաթիռների կողմից հետախուզական աշխատանքները շարունակվում են: Ասված է նաև, որ ցամաքային ուժերի, ժանդարմերիայի ուժերի և գլխավոր շտաբի ուժերի հատուկ ստորաբաժանումների հրամանատարության տակ գտնվող զորամիավորումները իրենց կցված տարածքներում և շրջաններում նախկինի պես շարունակում են վերահսկողություն իրականացնել:

Վերոնշյալ հայտարարության մեջ, որտեղ ընդգծվում է, որ զինյալների տարհանման վերաբերյալ որևէ տեսանյութ կամ լուսանկար առկա չէ, նշվում է, որ այսուհետ ևս թուրքական զինված ուժերի ստորաբաժանումները շարունակելու են այդ տարածաշրջանում օրենքի շրջանակներում  կատարել իրենց պարտականությունները:

Ermenihaber.am