Սինոփի ատոմակայանը և Ֆրանսիայում Հայոց ցեղասպանության հարցը

Քաղաքական08:03, 13 Մայիս 2013

Սինոփի ատոմակայանը և Ֆրանսիայում Հայոց ցեղասպանության հարցը

Թուրքական «Հաբեր7» լրատվական կայքը տեղեկացնում է, որ Թուրքիայի Էներգետիկայի նախարար Թաներ Յըլդըզը պատմել է Սինոփի ատոմակայանի կառուցման նախագծի, ճապոնա-ֆրանսիական պայմանագրի մասին:

Անդրադառնալով ճապոնական ընկերության ընտրությանը` նախարարը նշել է, որ չինական և ճապոնական մրցակցության պարագայում նախապատվությունը տրվել է վերջինիս, քանի որ համոզված են, որ նրանք կարող են մեծ ներդրում ունենալ տեղական արդյունաբերության զարգացման գործում:
«Ճապոնացիների հետ 2 տարի կաշխատենք: 4-5 վայր կառանձնացնենք: Կուսումնասիրվեն երկրաբանական և սեյսմիկ տվյալները»,- հավելել է Թաներ Յըլդըզը:

Այն հարցին, թե արդյոք ֆրանսիացիների ներգրավվումը ատոմակայանի կառուցման աշխատանքներին կարող է անդրադառնալ երկու երկրների քաղաքական հարաբերությունների վրա, նախարար Յըլդըզը հետևյալ կերպ է պատասխանել. «Ես համոզված եմ, որ ատոմակայանի գործը Հայոց ցեղասպանության հարցում կարգավորիչ դեր է խաղալու: Այս ներդրումներից հետո երկրները ուշադրություն կդարձնեն իրենց արտահայտությունների վրա»:

Ermenihaber.am