Թուրք-սիրիական սահմանի մոտ թուրքական ինքնաթիռ է կործանվել

Տարածաշրջան07:02, 14 Մայիս 2013

Թուրք-սիրիական սահմանի մոտ թուրքական ինքնաթիռ է կործանվել

Թուրքիայում ծառայողական թռիչքի ժամանակ F-16/C ռազմական ինքնաթիռ է կործանվել:
Թուրքիայի զինված ուժերի գլխավոր շտաբի հայտարարության մեջ ասվում է. «5-րդ գլխավոր ռազմաօդային հրամանատարությանը պատկանող մեկ միավոր F-16/C ինքնաթիռի հետ 2013թ. մայիսի 13-ին` երկուշաբթի, ժամը 14:15-ին Օսմանիյե շրջակայքում Ամանոսներում ծառայողական թռիչքի ընթացքում օդաչուի «Ցատկում եմ» ուղերձից հետո կապը ընդհատվել է: Սկսված որոնողափրկարարական գործողությունները շարունակվում են»:

Թուրքական «Վաթան» թերթը, մեջբերելով սեփական զինվորական աղբյուներից ստացված տեղեկությունները, նշում է, որ Սիրիայի կողմից թուրքական ինքնաթիռի կործանումից հետո, փոփոխված պայմանների շրջանակներում օդային ուժերի Դիարբեքիրի 2-րդ հրամանատարությանը սիրիական օդուժի միավորներին հարվածելու հրաման էր տրվել: Դիարբեքիրի հրամանատարության տակ գտնվող 5-րդ գլխավոր ռազմաօդային հրամանատարությանը պատկանող F-16/C ինքնաթիռը սահմանին լրտեսական նպատակով զինված էր թռիչք կատարել:

Թուրքիայի Գլխավոր շտաբի տարածած հայտարարության մեջ ասվում, որ օդաչուն զոհվել է, իսկ վթարի պատճառը կպարզվի վթարը հետազոտող պատվիակության ուսումնասիրություններից հետո:

Ermenihaber.am