Իտալական հայտնի բանկային ընկերությունը Թուրքիայում մասնաճյուղ է բացելու

Տնտեսական14:27, 15 Մայիս 2013

Իտալական հայտնի բանկային ընկերությունը Թուրքիայում մասնաճյուղ է բացելու

Թուրքիայում նոր արտասահմանյան բանկ է հիմնադրվելու: Թուրքիայում բանկային գործունեությունը վերահսկող և կարգավորող խորհուրդը իտալական «Intesa Sanpaolo S.p.A» ընկերությանը Թուրքիայում առաջին մասնաճյուղի բացման համար թույլտվություն է տվել: Մասնաճյուղի կապիտալը լինելու է լիրայով` Թուրքիայի ազգային արժույթով: Բանկային գործունեությունը վերահսկող և կարգավորող խորհուրդի պաշտոնական թերթում հրապարակված տեղեկության մեջ ասվում է, որ բանկի մասնաճյուղի նախնական կապիտալը լինելու է 300 միլիոն ԱՄՆ դոլարին համարժեք Թուրքական լիրա:

Նշենք, որ անցած տարվա հոկտեմբերին էլ «Bank Audi»-ին 12 տարվա ընդմիջումից հետո Թուրքիայում բանկ հիմնադրելու թույլտվություն է ստացել և «OdeaBank» անվան տակ սկսել է ծառայություն մատուցել:

2012 թվականի դեկտեմբերին էլ Ճապոնիայի ամենամեծ բանկը` «Bank of Tokyo-Mitsubishi»-ն էր վերոնշյալ խորհրդից Թուրքիայում բանկային գործունեություն ծավալելու լիցենզիա ստացել:

Ermenihaber.am