Սիրիա. Թուրքիայում կրկին ներքին պատերազմ է ծագելու

Տարածաշրջան10:44, 15 Մայիս 2013

Սիրիա. Թուրքիայում կրկին ներքին պատերազմ է ծագելու

Թուրքիայի Հաթայի նահանգի Ռեյհանլը գավառում իրականացված պայթյունների Սիրիայի կողմից կազմակերպված լինելու մեղադրանքներին ի պատասխան պաշտոնական Դամասկոսը հայտարարություններ է արել: Սիրիայի փոխվարչապետ Քադրի Ջեմիլն ասել է, որ Թուրքիան ներսից թուլացած է և այժմ ի վիճակի չէ Սիրիայի հետ պատերազմել:

Թուրքական «Աքշամ» էլեկտրոնային լրատվականը հղում անելով ռուսական «ՌԻԱ Նովոստի»-ին տեղեկացնում է, որ Սիրիայի փոխվարչապետը պատասխանելով այն հարցին, թե արդյոք Թուրքիան Սիրիայի հետ պատերազմ կսկսի, ասել է . «Թուրքիան այն վիճակում չէ, որ կարողանա Սիրիայի հետ պատերազմ սկսել»:

Շարունակելով միտքը Քադրի Ջեմիլն ասել է. «Թուրքիայի ղեկավարության «կկախենք, կկոտորենք» ձևակերպումները ներքին լսարանի համար չեն նախատեսված: Դրանք նպատակ ունեն բարձրացնելու Սիրիայի զինյալ ապստամբների բարոյահոգեբանական վիճակը: Թուրքիան առանց այդ էլ արդեն երեսուն տարի է ներքին պատերազմի մեջ է: Շատ շուտով Թուրքիայում սոցիալական և էթնիկ հողի վրա ներքին պատերազմներ կարող են սկսվել»:

Ermenihaber.am