Քըլըչդարօղլու. «Ահաբեկչության զոհերի պատասխանատուն Էրդողանն է»

Քաղաքական12:54, 15 Մայիս 2013

Քըլըչդարօղլու. «Ահաբեկչության զոհերի պատասխանատուն Էրդողանն է»

Բրյուսելում գտնվող Թուրքիայի գլխավոր ընդդիմադիր ուժի` «Ժողովրդահանրապետական կուսակցության» առաջնորդ Քեմալ Քըլըչդարօղլուն մասնակցել է Եվրոպայի խորհրդարանի սոցիալիստների ու դեմոկրատների առաջադիմական դաշինքի ժողովին: Քըլըչդարօղլուն անդրադարձել է նախօրեին Թուրքիայի վարչապետ Էրդողանի` իր հասցեին հնչեցրած մեղադրանքներին, թե իբր ինքը սատարում է Սիրիայի նախագահ Բաշար Ասադի վարչակազմը:

«Ես Ասադին չեմ աջակցել: Նրա հետ հանգստյան օրեր չեմ անցկացրել, նրա «իմ եղբայր» չեմ ասել: Նրա հետ ձեռքով չեմ բարևել, չեմ խոսել: Ո°վ է այդ ամենը արել, իհարկե Էրդողանը», - ասել է ընդդիմադիր կուսակցապետը և հիշեցրել, որ առաջարկել էր Թուրքիայում խաղաղության միջազգային կոնֆերանս կազմակերպել` հրավիրելով Սիրիայի իշխանական և հակաիշխանական ուժերին, բայց մերժում էր ստացել Էրդողանից:

Մայիսի 11-ին Թուրքիայի Ռեյհանլը շրջանում տեղի ունեցած ահաբեկչական պայթյուններին անդրադառնալով` Քըլըչդարօղլուն ողբերգության գլխավոր մեղավոր է համարել վարչապետ Էրդողանին, քանի որ վերջինս կատարվածը չի համարել հետախուզության թերացման, այլ կոորդինացիոն աշխատանքների անլիարժեքության հետևանք:

«Բա դուք ինչի° համար եք այդ պաշտոնին, բա ի°նչ է ձեր բանուգործը»,- Էրդողանին է հասցեագրել իր խոսքերը Քըլըչդարօղլուն:

Ermenihaber.am