«Center for American Progress»-ի զեկույցը Թուրքիայում մամուլի ազատություն մասին

Տարածաշրջան09:01, 16 Մայիս 2013

«Center for American Progress»-ի զեկույցը Թուրքիայում մամուլի ազատություն մասին

«Center for American Progress» (CAP) ամերիկյան ճանաչված հասարակական կազմակերպությունը ներկայացրել է Թուրքիայում մամուլի և խոսքի ազատության մասին զեկույցը, որտեղ տեղ են գտել մամուլի և խոսքի ազատության բարելավմանն ուղղված մի շարք առաջարկություններ:

Զեկույցում անդրադարձ է կատարվել նաև 1980-90-ականներին կատարված լրագրողների սպանություններին, ինչպես նաև 2007-ին կատարված Հրանտ Դինքի սպանությանը:

Զեկույցում նշվում է, որ հակառակ Թուրքիայում կառավարող Արդարություն և զարգացում կուսակցության գրանցած սոցիալտնտեսական հաջողություններին` երկրում ղեկավարության դեմ արտահայտվող լրագրողները հաճախ հայտնվում են բանտերում, ընդ որում նրանց մեծամասնությունը ազգությամբ քուրդ է: Ստորև ներկայացված են մի քանի ուշագրավ պարբերություններ այդ զեկույցից:

«Թուրքիայում մամուլի ազատության ճգնաժամը հասել է լրագրողներին բանտարկելու միջոցով լռեցնելու աստիճանի»:

«Լրագրողները ընդիմադիր հայացքների համար կարող են հայտնվել, ոչ միայն բանտարկվելու վտանգի առաջ, այլ նաև՝ երկրից վռնդվելու: Էրդողանի «Թող խորտակվի այդ լրգրությունը» խոսքերից շատ չանցած վերջ դրեվեց Հասան Ջեմալի գործունեությանը»:

«Վերջին չորրորդ օրենսդրական փաթեթով կատարված փոփոխությունները դրական էին, սակայն՝ ոչ բավարար: ԱԶԿ-ական կառավարությունը պետք է քայլեր ձեռնարկի դատական համակարգի բարեփոխման ուղղությամբ»:

«Քրդական հարցը անպայման պետք է լուծվի բանակցությունների միջոցով: Արդեն ակնհայտ է, որ ռազմական լուծումը հնարավոր չէ»:

«Ակնհայտ է, որ և ԱՄՆ նախագահ Բարաք Օբաման, և Էրդողանը ԱՄՆ-Թուրքիա հարաբերություններին մեծ կարևորություն են տալիս: Այս համատեքստում էլ ԱՄՆ-ի ռազմավարական դաշնակիցը ժողովրդավարացման գործընթացում պետք է առավել համարձակ լինի»:

Ermenihaber.am