Օբաման կհիասթափեցնի Էրդողանին

Քաղաքական10:02, 16 Մայիս 2013

Օբաման կհիասթափեցնի Էրդողանին

Թուրքական «Վաթան» պարբերականը երկրի վարչապետ Ռեջեփ Թայիփ Էրդողանի ԱՄՆ այցելությանն ընդառաջ անդրադարձել է ամերիկյան մամուլի արձագանքին:

Washington Times թերթը Էրդողանի` Սպիտակ Տանը Բարակ Օբամայի կողմից Սիրիայում «Թռիչքների համար արգելված գոտի» պահանջելու սպասելիքների մասին տեղեկացնելով, նշել է. «Սակայն, պարոն Էրդողանը ամենայն հավանականությամբ, հուսախաբված կհեռանա»:
Washington Times-ի հոդվածում վերլուծաբանները Էրդողանի Վաշինգտոն այցելության ընթացքում Սիրիայի խնդրով ցանկալի հարցերի քննարկումը քիչ հավանական են համարում: Ըստ Ռազմավարական և միջազգային հետազոտությունների կենտրոնի փորձառու պաշտպանության փորձագետ Էնթոնի Քորդսմանի` ԱՄՆ քաղաքակնության մեջ փոփոխության հավանական է միայն ԱՄՆ-ի և Ռուսաստանի կողմից սիրիական հարցի կարգավորման ուղղված հանդիպումների ձախողման կամ էլ չիրականացման պարագայում:

«Եթե սպասվում է, որ պարոն Էրդողանի վաշինգտոնյան քննարկումներում Սիրիայի հարցը գերակշռող է լինելու, ապա թուրք առաջնորդը երկիրը Հյուսիսային Իրաքի քրդական ղեկավարության հետ խորացող էներգետիկ կապերի, Թուրքիայի Իսրայելի հետ հարաբերությունների և Իրանի ստեղծած վտանգի հետ առնչվող խնդիրների դեմ առ դեմ կմնա(միայնակ կմնա)»,- գրում է ամերիկյան թերթը:

Ermenihaber.am