Թուրք դասախոս. «Հայկական հարցը պատմականից վերածվել է քաղաքականի»

Տարածաշրջան07:43, 20 Մայիս 2013

Թուրք դասախոս. «Հայկական հարցը պատմականից վերածվել է քաղաքականի»

Աթաթուրքի անվան համալսարանի գրականության ֆակուլտետի դասախոս, դոցենտ Սավաշ Էղիլմեզը դասախոսություն է կարդացել թուրք կանանց միության անդամների համար:

Ըստ թուրքական «Ջիհան» լրատվական գործակալության` մայիսի 19-ի միջոցառումների շրջանակներում Էրզրումում կազմակերպված դասախոսության թեման եղել է Հայկական Հարցը:

«Էրզրումում վայր չկա, որտեղ արյուն թափված չլինի: Կատարված ուսումնասիրությունների համաձայն` յուրաքանչյուր 3 ընտանիքից մեկում հայերը զոհ են ունեցել: Հայոց պատմության մեջ հայերն ութ ագամ տարբեր վայրեր են աքսորվել: Եթե մի ազգ ութ անգամ աքսորի է ենթարկվում, ապա խնդիրն այդ ազգի մեջ պետք է փնտրել: Հայերը պատմության ընթացքում միշտ աջակցել են հզորներին և եղել նրանց պաշտպանության տակ: Հայկական հարցն արդեն պատմական հարցից վերածվել է քաղաքականի»,- նշել է գրականության ֆակուլտետի դասախոսը:

Էղիլմեզը նաև նշել է, որ 1071 թվականի Մանազկերտի ճակատամերտից հետո, երբ թուրքերը մտել են տարածաշրջան, հայերը, հույները և վրացիներև իբր ասել են, թե ժողովրդավարությունն ու արդարությունն է եկել: Իսկ հայերի ոսկե դարն իբր թուրքերի հետ է սկսվել:

«Օսմայան ժամանաշրջանում հայերին էլ բարձր մակարդակի արտոնություններ են տրվել: Պետական տարբեր աստիճաններում պաշտոններ են ստանձնել»,- հիշեցրել է Էղլիմեզը:

Ermenihaber.am