Քըլըչդարօղլու.«Էրդողանն ԱՄՆ-ում անհաջողության է մատնվել»

Քաղաքական07:52, 22 Մայիս 2013

Քըլըչդարօղլու.«Էրդողանն ԱՄՆ-ում անհաջողության է մատնվել»

Թուրքական «Հաբեր ա» լրատվական կայքը տեղեկացնում է, որ գլխավոր ընդդիմադիր «Ժողովրդահանարապետական կուսակցության» նախագահ Քեմալ Քըլըչդարօղլուն անդրադարձել է վարչապետ Էրդողանի ԱՄՆ այցելության արդյունքներին:

Քըլըչդարօղլուն կուսակիցների հետ հանդիպման ժամանակ նշել, որ Էրդողանը ԱՄՆ-ում անհաջողության է մատնվել և թվարկել է այն հարցերը, որոնց շուրջ Էրդողանը այցից առաջ այլ ակնկալիքներ ուներ, սակայն վերադարձել է «հայացքները փոխած»:

«1.Էրդողանը ասում էր` Օբամային համոզելու եմ Սիրիայի հարցում, սակայն չկարողացավ:
2.Ձեռքին փաթեթ կա առ այն, որ Սիրիայում քիմիական զենք է գործարկվել: Սակայն չհավատացին` ասելով, թե մեր ձեռքին նման բան չկա:
3.Սիրիայում թռիչքների համար արգելված գոտի էր առաջարկում ստեղծել: Օբաման դա էլ մերժեց, նշելով, որ աջակցում են Սիրիայի ամբողջականությանը:
4. Օբամային Ժնևի մասին էր հիշեցնում: Օբաման էլ ի պատասխան ասաց, որ Ռուսաստանը և ԱՄՆ-ը միջազգային կոնֆերանս կկազմակերպեն և որոշում կկայացնեն: Էրդողանը գնալիս սա էր ասում, իսկ վերադարձին ասում էր` «կարծիքս փոխել եմ»:
Բեյսբոլի մահակը տեսնելու պես, իհարկե, կփոխես: Ինչ է, ես նրան չե՞մ ճանաչում»,-ասել է Քըլըչդարօղլուն:

Ermenihaber.am