Թուրքիայի ընդդիմադիր կուսակցությունների վարկանիշը նվազում է

Քաղաքական07:24, 23 Մայիս 2013

Թուրքիայի ընդդիմադիր կուսակցությունների վարկանիշը նվազում է

Թուրքիայի վարչապետի օգնական Բյուլենթ Արընչը հյուրընկալվել է TRT ալիքով հեռարձակվող «Կարծիքների տարբերություն» հաղորդմանը, որի ընթացքում անդրադարձել է վերջին սոցհարցման արդյունքներին:

Նշելով, որ ընդդիմության երեքշաբթի օրվա ելույթները կուսակցական ժողովում նման էին հրապարակային ցույցի` ասել է, որ այդ կերպ փորձում էին ԱՄՆ այցելությունը արատավորել:

«Այս ամենը քաղաքական ոճի տեսանկյունից չափազանց նվաստացուցիչ է: Արհեստական քաջությամբ վիրավորանքներով ելույթների արդյունքում նրանք միավորներ են կորցնում: Այսօր վերջին հարցման արդյունքները նայեցի:

«Արդարություն և զարգացում կուսակցությունը» ստացել է 51.4 տոկոս, «Ժողովրդահանրապետական կուսակցությունը»` 21 տոկոսի մոտ, «Ազգայնական շարժում կուսակցությունը»` 14 տոկոս: «Խաղաղություն և ժողովրդավարություն կուսակցությունը» աճ է արձանագրել` հասնելով մոտ 8 տոկոսի: Մենք կայուն կերպով շարունակում ենք աճ արձանագրել: Պնդումները, թե քրդական գործընթացի արդյունքում մեր վարկանիշը կնվազի, ճիշտ չեն: Ես այս հարցման տվյալները շատ բնական եմ համարում»,- նշել է Արընչը:

Ermenihaber.am