Թուրքիան նոր նավթային պայմանագիր է կնքել Իրաքյան Քուրդիստանի հետ

Տարածաշրջան08:15, 23 Մայիս 2013

Թուրքիան նոր նավթային պայմանագիր է կնքել Իրաքյան Քուրդիստանի հետ

«CNN TURK» –ի փոխանցմամբ Հյուսիսային Իրաքի տեղական քրդական ղեկավարության և Թուրքիայի միջև կնքվել է մի նոր նավթային պայմանագիր, որի համաձայն հյուսիսիրաքյան Քիրքուքից դեպի Թուրքական Յումուրթալըք կառուցվող նավթի խողովակաշարին ավելանալու է ևս մեկը:

Ավելի վաղ Թուրքիայի վարչապետ Ռեջեփ Թայիփ Էրդողանը հայտարարել էր, որ պատրաստվում են «Exxon Mobil» նավթային ընկերության հետ միասին Հյուսիսային Իրաքում նավթի որոնողական աշխատանքներ իրականացնել:

«Exxon Mobil» –ի հետ պայմանագրից հետո էլ Իրաքյան Քուրդիստանի ղեկավարությունը հայտարարել է, որ պայմանագրով նախատեսվում է նաև դեպի Թուրքիա նավթի երկրորդ խողովակաշարը կառուցել:

Իրաքի քրդական կառավարության բնական պաշարների նախարարության նավթի գծով խորհրդական Ալի Բալոն հայտարարել է, որ կառուցվելիք խողովակաշարն ուենալու է 5 հարյուր բարել թողունակություն: Նշենք, որ ներկայիս խողովակաշարը, որի կառուցումն արդեն ավարտական փուլում է, ունի 4 հարյուր բարել թողունակություն:

Ermenihaber.am