Անկարայի մետրոյում կազմակերպվելու է համբուրվելու ակցիա` ի նշան բողոքի

Տարածաշրջան11:46, 24 Մայիս 2013

Անկարայի մետրոյում կազմակերպվելու է համբուրվելու ակցիա` ի նշան բողոքի

Անկարայի մետրոյում պարբերաբար հնչեցվող «Բարոյականության կանոններին հետևեք» ձայնային նախազգուշացումը առաջացրել է թուրքերի դժգոհությունը:

Ըստ թուրքական «Ռադիքալ»-ի` այդ նախազգուշացումից «վիրավորված» քաղաքացիներն իրենց բողոքն արտահայտելու համար որոշել են անցկացնել արտասովոր բողոքի ակցիա: Միջոցառման մասնակիցները ծրագրել են մայիսի 25-ին հավաքվել Անկարայի մետրոյի Քուրթուլուշ կայարանում և ի նշան բողոքի` հրապարակավ համբուրվել: Ակցիան կրում է «Համբուրվում ենք մետրոյի Քուրթուլուշ կայարանում» կարգախոսը:

Մետրոյի աշխատակիցներն այս առնչությամբ ասել են, որ վերոնշյալ նախազգուշացման պատճառը այն է, որ մետրոյում որոշ երիտասարդներ անբարո արարքներ են թույլ տալիս:

2011 թվականին Ստամբուլի քաղաքային մի ավտոբուսի վարորդ, համարելով, որ երիտասարդ զույգն անբարո պահվածք է դրսևորել, իջեցրել էր ավտոբուսից և նախատել` «հանրային տրանսպորտը սեքսով զբաղվելու տեղ չէ»: Այնուհետև վարորդի և ուղևորի միջև վեճ էր ծագել: Այդ միջադեպից հետո էլ սոցիալական ցանցերում բողոքի ակցիաներ էին անցկացվել, որոնք դատապարտելում էին հասարակական տրանսպորտում «բարոյականության կանոների» կիրառումը:

Ermenihaber.am