Թուրքիայում «Լամպ Թայիփ» կոչերը դատավարությունների պատճառ են դառնում

Տարածաշրջան15:30, 28 Մայիս 2013

Թուրքիայում «Լամպ Թայիփ» կոչերը դատավարությունների պատճառ են դառնում

Թուրքիայի Բուրսա քաղաքում «Լիցեյական երիտասարդ հույս» կազմակերպության անդամների կողմից կազմակերպված քննական համակարգի դեմ բաղոքի ակցիայի ժամանակ թուրքիայի վարչապետ Ռեջեփ Թայիփ Էրդողանի հասցեին հնչել են «Լամպ Թայիփ» (Ampul Tayyip) կոչերը:

Թուրքական «Բիանեթ» լրատվական կայքի հաղորդմամբ` մարտի 25-ին տեղի ունեցած վերոնշյալ քայլերթի ժամանակ հնչեցված արտահայտությունները 17 անձանց նկատմամբ , որոնցից 12-ը 18 տարեկանից ցածր տարիքի են, դատավարություն սկսելու պատճառ է հանդիսացել: Նրանց «Հասարակական պաշտոնյային պաշտոնական գործունեության պատճառով վիրավորելու» մեղադրանք է առաջադրվել:

Դատավարության վերաբերյալ «Լիցեյական երիտասարդ հույս»-ի տարածած հայտարարության մեջ ասվում է. «Մեզ մոտ լամպին լամպ են ասում: ԱԶԿ-ն (Արդարություն և զարգացում կուսակցություն) երկար տարիներ է` երիտասարդների ընդիմացումին տարբեր տեսակի ճնշումներով է պատասխանում, այս դատավարություններն էլ այդ ճնշումների շարքից են»:

Թերթը տեղեկացնում է նաև, որ «Լամպ Թայիփ» (Ampul Tayyip) արտահայտությունը նախկինում ևս դատական գործընթացների պատճառ է դարձել:

Ermenihaber.am