Թուրքիայի օդուժը հետախուզություն է իրականացնում Հյուսիսային Իրաքում

Տարածաշրջան09:09, 31 Մայիս 2013

Թուրքիայի օդուժը հետախուզություն է իրականացնում Հյուսիսային Իրաքում

Թուրքիայի օդուժը քրդական զինյալ ուժերի հետ քաշվելուց հետո առաջին անգամ Հյուսիսային Իրաքում հետախուզական թռիչք է իրականացրել այն շրջաններում, որտեղ շատ են «Քուրդիստանի բանվորական կուսակցության» (ՔԲԿ-PKK) անդամները:

Թուրքական «Հաբեր ա» լրատվական կայքի հաղորդմամբ` մինչ այս վերջին անգամ հետախուզական թռիչք կատարվել էր ապրիլի 26-27-ին:

Ծրագրային հետախուզական գործողությունը կատարվել է մեկ ամիս առաջ իրականացված հետախուզության կոորդինատներով: Տարածաշրջանի ռազմական աղբյուրները հաղորդում են, որ մեկ ամիս ընդմիջումով միևնույն կոորդինատներով հետախուզության իրականացումը կարող է գնահատականներ տալ տարածքում ձևավորված կամ էլ ձևավորման փուլում գտնվող հավանական տարբերությունների, փոփոխությունների մասին:

Պարզ կդառնա` այն տարածքներում, որտեղ ՔԲԿ զինյալները առավել շատ են եղել, արդյոք որևէ նոր շինություն, ապաստարան կամ էլ զինանոց կա, թե ոչ:

Ձեռք բերված նոր տեղեկությունները կուսումնասիրվեն Թուրքիայի Գլխավոր շտաբի կողմից:

Ermenihaber.am