Թուրքիայում կատարվող դեպքերի ինտերնետային արձագանքները

Տարածաշրջան14:23, 01 Հունիս 2013

Թուրքիայում կատարվող դեպքերի ինտերնետային արձագանքները

Թուրքական «Ինտերնետհաբեր» լրատվական կայքը հրապարակել է «Twitter» միկրոբլոգում «Վախկոտ մեդիա» խորագրի տակ հավաքած Գեզի այգում տեղի ունեցող դեպքերի վերաբերյալ տարբեր օգտատերերի մեկնաբանությունները, որոնցից առավել ուշագրավները ներկայացված են ստորև.

Վախկոտ ԶԼՄ ձեր բանկերի փողե՞րն են ձեզ մարդ դարձնելու, եթե ոստիկանները չամաչեն կկոտորեն մարդկանց, իսկ ձեզ համար կարծես ոչինչ էլ չի եղել:
Այս գործողությունները ցույց տվեցին, որ 5 տարի հետո Թուրքիայում արդեն թերթերից ոչինչ չի մնա:
Հեռուստացույց մի՛ միացրեք, այնտեղ ոչ մի ճիշտ բան չեն ցույց տալիս:
Մեր երկրում կատարվող դեպքերը նորվեգական հեռուստաընկերության ուղիղ եթերով ենք դիտում, կորչե՛ն մեր ԶԼՄ-երը
Մեր վախկոտ ԶԼՄ-ների անելիքը մենք պետք է անենք, ժողովուրդը պետք է արթնանա:
Այն մամուլը (թուրքական), որը մինչև լուսաբաց ուղիղ եթերով հեռարձակում էր Եգիպտոսի խռովությունները, մեր երկրի դեպքերն էլ պիտի լուսաբանի:
Դիմադրությունը մեծանում է, սակայն ոչ մի լրատվամիջոց Թաքսիմը չի ցուցադրում , այն դեպքում երբ ամբողջ աշխարհն է հետևում Թաքսիմի դեպքերին:
Լրատվամիջոցներն ասում են` անհանգստանալու ոչինչ չկա` շարունակելով ոչխարի պես հետևել իշխանություններին:
Որևէ լրատվամիջոց թարմ լուրեր չի հաղորդում, եթե սոցիալական ցանցերն էլ չլինեին, կատարվածի մասին ոչ մի տեղեկություն չէինք ստանա:

Վախկո՛տ լրատվամիջոցներ, ու՞ր եք դուք, նույնիսկ Իսպանիան է մեր մասին մտածում ու հեռարձակում դեպքերը, իսկ դուք չկաք:
Վախկո՛տ լրատվամիջոցներ, տեսե՛ք, թե ինչ է ասում գերմանական հեռուստաընկերությունը. «Թուրքերը, որոնց մենք բարբարոս ենք անվանում, պայքարում են բնության համար»:
Այսօր Ստամբուլում մարդիկ դուրս են եկել մահվանը դեմ հանդիման, իսկ «Սթար ԹիՎի» հեռուստաալիքը գեղեցկության մրցույթ է ցուցադրում:
Վախկոտ լրատվամիջոցների պատճառով Թաքսիմում կատարվող դեպքերին օտար հեռուստաալիքների միջոցով ենք տեղեկանում. ահա ձեզ հզոր Թուրքիա:

Ermenihaber.am