«Թաքսիմի համերաշխությունը» ներկայացրել է իր պահանջները

Տարածաշրջան19:47, 03 Հունիս 2013

«Թաքսիմի համերաշխությունը» ներկայացրել է իր պահանջները

Այսօր երեկոյան Թաքսիմի համերաշխություն անունը ստացած շարժման մասնակիցների կողմից կազմակերպվել է մամուլի ասուլիս, որտեղ ներկայացվել է նրանց պահանջները: Պահանջագիրը կարդացել է Քաղաք նախագծողների պալատի Ստամբուլի մասնաճյուղի ղեկավար Թայֆուն Քահրամանը:

- Գեզի զբոսայգին մնալու է որպես զբոսայգի: Թույլ չենք տա ոչ Թաքսիմում զորանոց կառուցվի, ոչ էլ բնությանը թալանվի:

- Գեզի այգու դիմադրությունից սկսած ժողովրդի ժողովրդական իրավունքները սահմանափակած, բռնություն կիրառելու հրաման տված և այդ հրամանը կատարած ու հարյուրավոր մարդկանց վիրավորվելու պատճառ դարձած պաշտոնյաները` առաջին հերթին Ստամբուլի նահանգապետը և ոստիկանապետը պետք է հրաժարական տան: Գազի կիրառումը պետք է արգելվի:

- Ամբողջ երկրով մեկ դիմադրությանը մասնակցելու համար ձերբակալված մեր եղբայրները պետք է ազատ արձակվեն, և նրանց նկատմամբ ոչ մի դատական հետապնդում չպետք է լինի:

- Թաքսիմի և Թուրքիայի բոլոր հրապարակներում հրապարակային հավաքների և ակցիաների արգելքին պետք է վերջ դրվի:

- Այս ձայնը փողոցի, դիմադրության և ժողովրդի կողմից իշխանություններին ներկայացված պահանջ չէ, այլ` պայման: Փողոցում հավաքվեցինք, մեր ուժը տեսաք. գիտեք, որ փողոցում հաղթելու ենք:

Ermenihaber.am