Թուրքիա. ուսանողները գրոհել են Էգեյան համալսարանի ռեկտորատի մասնաշենքը

Տարածաշրջան13:36, 03 Հունիս 2013

Թուրքիա. ուսանողները գրոհել են Էգեյան համալսարանի ռեկտորատի մասնաշենքը

Թուրքական «Ռադիկալ» թերթի հաղորդմամբ` այսօր ժամը 11:00 –ի սահմաններում Իզմիրի Էգեյան համալսարանի ճամբարում Թուրքիայի Գեզի զբոսայգու ցուցարարներին աջակցելու նպատակով հավաքված նոտ 3.500 ուսանողներ քննությունները հետաձգելու նպատակով շարժվել են դեպի համալսարանի ռեկտորատի մասնաշենք:

Քայլերթի ժամանակ նրանք «Կառավարության հրաժարականը», «Ռեկտոր հետաձգիր քննությունները» և այլ կարգախոսներն են վանկարկել, ինչպես նաև ձեռքերում ունեցել են «Ժողովուրդը փողոցում է քննություն տալիս» վերնագրերով ցուցանակներ: Հասնելով Ռեկտորատի շենքի այգու դռների մոտ` նրանք հանդիպել են անվտանգության ծառայողների դիմադրությանը, սակայն անհամեմատ ավելի մեծաքանակ լինելով ուսանողները կարողացել են բացել դռները և ներխուժել Ռեկտորատի շենքի բակ: Տեղեկանալով, որ ռեկտորը շենքում չէ` ուսանողները պահանջել են որ ռեկտորը գա իրենց հետ հանդիպման, այլապես նրանք ներս կմտնեն շենք:

Հաղորդվում է, որ այս պահին 3 հազար 5 հարյուրի հասնող ուսանողները դեռ հերթապահում են ռեկտորատի շենքի մոտ:

Ermenihaber.am