Թուրքիայի նախագահը ցուցարարներին կոչ է անում լինել ողջամիտ

Տարածաշրջան13:20, 03 Հունիս 2013

Թուրքիայի նախագահը ցուցարարներին կոչ է անում լինել ողջամիտ

Ըստ թուրքական «Ռադիքալ» օրաթերթի` Թուրքիայի նախագահ Աբդուլլահ Գյուլը հանդես է եկել վերջին օրերին Թուրքիայում տեղի ունեցող իրադարձությունների վերաբերյալ հայտարարությամբ:

«Անհրաժեշտ է, որ ամեն ոք իր երկրում իրեն հնարավորինս ազատ զգա: Վստահեցնում եմ ձեզ, որ բոլոր կարծքիները լսված են. բոլոր ուղերձները տեղ են հասել: Թուրքիայում ամեն մեկի կարծիքը արժանի է հարգանքի»:

Գյուլը ասել է, որ ժողովրադավարություն ասվածը միայն ընտրություններում չէ, որ պետք է արտահայտվի: Տարբեր կարծիքները, առարկությունները բացի ընտրություններից պետք է արտահայտվեն նաև այլ տարբեր ճանապարհներով, և խաղաղ ցույցերը անկասկած դրա մի դրսևորումն են:

«Բոլոր կարծքիները լսված են, և հենց օրը գա դրանք կյանքի կկոչվեն: Սակայն այսուհետև պետք է ուշադիր լիենք, քանի որ բոլորիս փորձը ցույց է տալիս, որ նմանատիպ հասարակական իրադարձությունների արդյունքում ակտիվանում են ապօրինի կազմակերպությունները և հասարակությանը պատանդ վերցնելով` հրահրում սխալների: Սա պետք է թույլ չտանք:Կոչ եմ անում իմ բոլոր հայրենակիցներին լինել ողջամիտ: Օրենքներին բոլորը պետք է հետևեն: Եթե ունեն բողոքներ ու առակություններ, դրանք խաղաղ ձևով պետք է արտահայտեն: Այսուհետև անհրաժեշտ է թույլ չտալ մեր հեղինակությանը հարված հասցնող վերաբերմունքի դրսևորմանը: Չմոռանանք նաև, որ երկրի հեղինակություն ձեռք բերելը հեշտ չէ: Մենք 10 տարի շարունակ բոլորս ջանք չենք խնայել այս ուղղությամբ և Թուրքիայի հեղինակությունը ներսում ու դրսում շատ բարձր մակարդակի ենք հասցրել: Երկիրը բոլորինս է և բոլորս պետք է տեր կանգնենք դրան»;-ասել է Գյուլը:

Թուրքիայի նախագահը նշել է նաև, որ վերջին օրերին Թուրքիայում տեղի ունեցած իրադարձությունները Թուրքիայի ժողովրադավության փորձարկումն էր: «Եթե ուշադիր լինեք, կտեսնեք, թե Միջին Արևելքի որոշ` ոչ ժողովրդավար և օրենքի գերակակայությանը չհավատացող երկրներում նմանատիպ բողոքի ցույցերը ինչպես են ավարտվում»,-ասել է նա:

Ermenihaber.am