ԱՄՆ-ի և Ռուսաստանի մեկնաբանությունները թուրքական զարգացումների մասին

Տարածաշրջան09:35, 04 Հունիս 2013

ԱՄՆ-ի և Ռուսաստանի մեկնաբանությունները թուրքական զարգացումների մասին

Թուրքական «Սոնհաբեր» էլեկտրոնային լրատվականն անդրադարձել է Թուրքիայի ամբողջ տարածքում արդեն յոթ օր շարունակվող բողոքի գործողություններին Ռուսաստանի և ԱՄՆ-ի կողմից արված մեկնաբանություններին: Թերթը մասնավորապես ներկայացրել է երեկ ԱՄՆ պետքարտուղար Ջոն Քերրիյի և Ռուսաստանի նախագահ Վլադիմիր Պուտինի մամլո խոսնակ Դմիտր Պեսկովի հայտարարությունները:

ԱՄՆ պետքարտուղարն, անդրադառնալով ներթուրքական զարգացումներին, ասել է, որ ԱՄՆ-ը անհանգստացած է ցույցերի ժամանակ թուրքական ոստիկանության կողմից ցուցարարների վրա անհամչափ ուժ կիրառելու առիթով:Քերրին, հույս հայտնելով, որ ուժի կիրառման վերաբերյալ ամբողջական հետաքննություն կանցկացվի, երկու կողմերին էլ կոչ է արել սադրանքների չենթարկվել և ավելացրել. «ԱՄՆ պաշտպանում է խոսքի ազատությունը, որն իր մեջ ներառում է նաև խաղաղ ցույցերի անցկացման իրավունք»:

Մյուս կողմից Ռուսաստանի նախագահի մամլո խոսնակ Վլադիմիր Պեսկովը, խոսելով Թոիրքիայի դեպքերի մասին, ասել է, որ դա Թուրքիայի ներքին գործն է, և այդ առիթով երկու երկրների պաշտոնատար անձանց հանդիպումներ չի նախատեսվում: Պատասխանելով ցուցարարների վրա ուժ կիրառելու մասին հարցին՝ Պեսկովն ասել է. «Մենք այդ խնդիրը որևէ կերպ չենք մեկնաբանում, դա Թուրքիայի ներքին խնդիրն է: Թուրքիան մեր հարևանն է, և մենք տարածաշրջանային հարցերում համագործակցում ենք իրար հետ: Մենք Թուրքիայի հետ տնտեսական ու ներդրումային ոլորտում լայն համագործակցության ունենք, հետևաբար մեզ համար ձեռնտու է կայուն զարգացող Թուրքիան»:

Ermenihaber.am