Թուրքական ընկերությունը կահույք է արտահանում Հայաստան

Տնտեսական12:12, 04 Հունիս 2013

Թուրքական ընկերությունը կահույք է արտահանում Հայաստան

Թուրքիայի Ադանա քաղաքում 1985 թվականից գործող կահույքագործական մի ընկերությունն իր արտադրանքն արտահանում է Հայաստան: Ընկերությունը կրում է «Գյուլդիքեր կահույք» անվանումը, ղեկավարը` Ահմեթ Գյուլդիքերն է: Շուրջ 30 տարի գործող այս ընկերության արտադրանքը վաճառվել է «Cassara» ապրանքանիշի ներքո:

«Մենք դիլերական համակարգով ենք աշխատում, մեր արտադրանքն առանց մեծ դժվարությունների հասցնում ենք Թուրքիայի ցանկացած կետ: Արտադրանքի մոդելները ամբողջության մեզ են պատկանում: Ոլորտի համաշխարհային ընկերությունների հետ սկսել ենք մրցակցել: Մեր բազան հագեցած է նորագույն տեխնիկայով»,- նշել է տնօրենը:

Ներքին շուկայից բացի ընկերությունն իր արտադրանքը սպառում է նաև արտերկրի շուկաներում` մասնավորապես Իրան, Լիբիա, Սաուդյան Արաբիա և Հայաստան: Թուրքական «Ինտերնետհաբեր» կայքի տեղեկացմամբ` ընկերությունը տարեկան հաշվարկով 50մլն դոլարի ապրանք է արտահանում:

Ermenihaber.am