Զբոսաշրջային նավարկություն իրականացնող «Costa Fascinosa» նավն Թուրքիային հանել է իր երթուղուց

Տնտեսական09:05, 06 Հունիս 2013

Զբոսաշրջային նավարկություն իրականացնող «Costa Fascinosa» նավն Թուրքիային հանել է իր երթուղուց

Իզմիրի առևտրաարդյունաբերական պալատի տնօրենների խորհրդի նախագահ Էքրեմ Դեմիրթաշը Թուրքիայում մոլեգնող ցույցերի ու բախումների պատճառով ստիպված է եղել նամակ գրել զբոսաշրջային նավարկությունների կազմակերպմամբ զբաղվող 51 ընկերության ղեկավարների, որպեսզի հնարավորինս փարատի նրանց անհանգստությունը:

Սեփական շահութաբերության և անվտանգության մասին մտահոգված օտարերկրյա գործարարներին Դեմիթաշը փորձել է հավաստիացնել, որ Թուրքիայում ոչ մի սարսափելի բան տեղի չի ունենում, այլ ուղղակի լայն մասսաները դուրս են եկել բողոքի և ընդամենը պաշտպանում են իրենց ժողովրդավարական իրավունքները:

Նամակներ ուղարկելուց բացի Դեմիրթաշը նաև անձամբ հանդիպել է այդ կազմակերպություններից որոշների ղեկավար օղակների հետ և ավելի հանգամանալից ներկայացրել երկրում տիրող դրությունը: Դեմիթաշը գործընկերներին խոստացել է, որ թուրքական նավահանգիստները կշարունակեն կշարունակեն նախկինի պես անվտանգ լինել:

Այդուհանդերձ, ներթուրքական ցնցումների պատճառով աշխարհում հայտնի զբոսաշրջային նավարկությամբ զբաղվող «Costa Fascinosa» նավն արդեն իր երթուղուց հանել է Թուրքիան: Այլ փոփոխություններ առայժմ չկան:

Հիշեցնենք, որ մայիսի 28-ից Թուրքիայում սկսված զանգվածային բողոքի ցույցերի պատճառն իշխանությունների քաղաքաշինական նոր ծրագիրն է, ըստ որի, Ստամբուլի կենտրոնական Գեզի զբոսայգու մեծ մասը պետք է ոչնչացվեր, իսկ ծառերը` հատվեին: Զբոսայգու ոչնչացմանն ու ծառահատմանն ընդդիմացած ցուցարարների դեմ թուրքական ոստիկանությունը բիրտ ուժ է կիրառել` օգտագործելով արտասվաբեր գազ, ջրցան մեքենաներ, պլաստիկ փամփուշտներ և հատուկջոկատայիններ: Հետևանքը եղավ այն, որ բնապահպանական բնույթի ցույցերն աստիճանաբար վերածվեցին հակառավարական ակցիաների և ընդգրկեցին Թուրքիայի տասնյակ քաղաքներ: Վերջին տվյալների համաձայն` կան հարյուրավոր ձերբակալվածներ, վիրավորներ և 4 զոհ:

Ermenihaber.am