Էրդողանը. «Մենք հայտնել ենք մեր ափսոսանքը արցունքաբեր գազի չարաշահման համար»

Տարածաշրջան14:35, 06 Հունիս 2013

Էրդողանը. «Մենք հայտնել ենք մեր ափսոսանքը արցունքաբեր գազի չարաշահման համար»

Պաշտոնական այցով Թունիսում գտնվող Թուրքիայի վարչապետ Ռեջեփ Թայիփ Էրդողանը անդրադարձել է Գեզիի զբոսայգու շուրջ վերջին օրերին ծավալվող դեպքերին:

Ըստ թուրքական «Հյուրիյեթ» պարբերականի `այսօր Թունիսի վարչապետի հետ համատեղ մամլո ասուլիում Էրդողանը ասել է ,որ խռովությունը սադրողները ծայրահեղական ուժերն են, նրանց մեջ նույնիսկ ահաբեկչական խմբավորումներ էլ կան:

«Ինչպես գիտեք նույնիսկ հարձակում է եղել ԱՄՆ դեսպանատան վրա: Նրանք անմեղ մարդկանց ու հասարակական սեփականությանն են վնաս հասցնում: Այս անկարգությունները հենց այդ ուժերի ձեռքի գործն է»,-ասել է Էրդողանը:

Նա նշել է, որ Թաքսիմի նախագիծը պատմական տեղանքը և մշակույթը մեկտեղող նախագիծ է: Եվ այս նախգիծը Ստամբուլում մի հրաշալի միջավայր կստեղծի: Իսկ ապամոնտաժած զբսայգում շատ ավելի գեղեցիկ շենքեր կկառուցվեն:

«Մենք ժամանակին նախագծի անիմացիոն տարբերակը ցուցադրել ենք: Այդ ժամանակ ոչ մի արձագանք չեղավ: Իսկ հիմա նման բաներ են անում»,- նշել է թուրք վարչապետը:

Լրագրողների մեկը ասելով, թե փոխվարչապետ Բյուլենթ Արընչը ոստիկանության կողմից արցունքաբեր գազի չարաշահման համար ներողություն է խնդրել, հարցրել է, թե արդյոք Էրդողանը միանում է այդ ներողությանը, որին ի պատասխան նա ասել է.

«Մենք այդ առնչությամբ անհրաժեշտ հայտարությունները արել ենք և գազի չարաշահման կապակցությամբ մեր ափսոսանքը հայտնել ենք: Աշխարհում չկա մի երկիր, որ արցունքաբեր գազ չօգտագործի»:

Հիշեցնենք, որ մայիսի 28-ից Թուրքիայում սկսված զանգվածային բողոքի ցույցերի պատճառն իշխանությունների քաղաքաշինական նոր ծրագիրն է, ըստ որի, Ստամբուլի կենտրոնական Գեզի զբոսայգու մեծ մասը պետք է ոչնչացվեր, իսկ ծառերը` հատվեին: Զբոսայգու ոչնչացմանն ու ծառահատմանն ընդդիմացած ցուցարարների դեմ թուրքական ոստիկանությունը բիրտ ուժ է կիրառել` օգտագործելով արցունքաբեր գազ, ջրցան մեքենաներ, պլաստիկ փամփուշտներ և հատուկ ջոկատայիններ: Հետևանքը եղավ այն, որ բնապահպանական բնույթի ցույցերն աստիճանաբար վերածվեցին հակառավարական ակցիաների և ընդգրկեցին Թուրքիայի տասնյակ քաղաքներ: Վերջին տվյալների համաձայն` կան հարյուրավոր ձերբակալվածներ, վիրավորներ և 4 զոհ:

Ermenihaber.am