Էրդողանի խոսեց, և Ստամբուլի ֆոնդային բորսան անկում ապրեց

Տնտեսական15:48, 06 Հունիս 2013

Էրդողանի խոսեց, և Ստամբուլի ֆոնդային բորսան անկում ապրեց

Թուրքիայի վարչապետ Ռեջեփ Թայիփ Էրդողանի` Գեզի զբոսայգու շուրջ ծավալվող իրադարձությունների մասին ելույթից հետո Ստամբուլի ֆոնդային բորսայում կտրուկ անկում է արձանագրվել: Թուրքական «Հյուրիյեթ» օրաթերթի համաձայն` այսօր Էրդողանի Թունիսում արած հայտարարություններից պարզ դարձավ, որ Գեզի զբոսայգու ապամոնտաժման հարցում հետքայլ չի լինելու, ինչը և իր ազդեցությունն ունեցավ թուրքական բորսայի վրա:

Ըստ պարբերականի`եթե մինչև Էրդողանի ելույթը բորսայում անկման ցուցանիշը 1,33% էր, ապա ելույթից հետո այն հասել է 8%-ի: Էրդողանի ելույթը ազդել է նաև դոլարի փոխարժեքի վրա: Այն բարձրացել է` գրանցելով 2011 թ դեկտեմբերից մինչ այսօր ամենբարձր փոխարժեքը(1դոլարը` 2,28 թուրքական լիրա):
Նշենք, որ Թուրքիայում Գեզի զբոսայգու համար անցակացվող զանգվածային բողոքի ակցիաների հետևանքով ողջ շաբաթվա ընթացքում թուրքական բորսան եղել ոչ կայուն: Ստամբուլի Ֆոնդային Բորսայի ինդեքսը («Borsa Istanbul 100») վերջին 3 օրվա ընթացքում, մինչև Էրդողանի ելույթը արձանագրել էր 7% անկում: Բիզնես ներդրումների բաժնետոմսերի գծով մասնագետ Օզգյուր Ալիօղլուն ասել էր, որ արտասահմանյան ներդրողների մոտ անհանգստաություն կա և բոլորը սպասում ենք վարչապետի վերադարձին: