Թուրքիայի խոշոր բանկերից մեկը լուրջ վնասներ է կրել ցույցերի պատճառով

Տնտեսական07:59, 06 Հունիս 2013

Թուրքիայի խոշոր բանկերից մեկը լուրջ վնասներ է կրել ցույցերի պատճառով

Թուրքիայում օրեր շարունակ անցակցվող բողոքի ակցիաները, ոստիկանության հետ բախումները իրենց ազդեցությունն են ունեցել տնտեսության վրա:

Թուրքական «Բուրսահաքիմիյեթ» կայքը հայտնում է, որ Թուրքիայի ամենամեծ բանկերից Գարանթի բանկի (Garanti bankası) նախագահ Էրգուն Օզենը հայտարերել է, որ Գեզի զբոսայգու ցույցերի հետևանքով բանկում 35-40 միլիոն թուրքական լիրայի չափով ավանդներ է դուրս բերվել և 1500 պլաստիկ քարտ չեղյալ է հայտարարվել:

Օզենը նշել է, որ այդ ամենն իր ազդեցությունն են ունեցել բանկի հաճախորդների որոշումների վրա, բայցևայնպես, բանկի ղեկավարությունը փորձում է ըմբռնումով մոտենալ հարցին:

Բանկի նախագահը տեղեկացրել է, որ իրենց բանկի գլխամասային մասնաշենքի առջև նույնպես ցույց է կազմակերպվել: «Ես նրանց ասացի, որ բանկը աշխատակիցների շնորհիվ է կարողանում գործել: Աշխատակիցներն էլ երեկոյան գործից դուրս են գալիս, գնում Գեզի զբոսայգի և մասնակցում բողոքին ակցիային»:

Ermenihaber.am