Թուրքիայում շարունակվում են ցույցերը, արդեն կա 4 զոհ

Տարածաշրջան07:43, 06 Հունիս 2013

Թուրքիայում շարունակվում են ցույցերը, արդեն կա 4 զոհ

Ստամբուլի կենտրոնական Գեզի զբոսայգին ոչնչացումից փրկելու համար սկսված բնապահպանական շարժումը, որը վերածվել է հակառավարական ցույցերի, ուղեկցվում է հարյուրավոր վիրավորներով և մի քանի զոհով:

Թուրքական «Աքշամ» օրաթերթի տեղեկացմամբ` Թուրքիայի տասնյակ քաղաքներ ընդգրկող բողոքի միջացառումների ժամանակ արդեն հայտնի է, որ կյանքից զրկվել է 4 քաղաքացի: Մինչև երեկ հայտնի 3 զոհին ավելացել է 4-րդը` կոմիսար Մուսթաֆա Սարըն: Նա վայր է ընկել Ադանայում գտնվող կիսակառույց կամրջից, երբ իր գործընկերների հետ փորձել է ցրել քայլերթի դուրս եկած ցուցարարներին:

Ցուցարարների 500 հոգանոց խումբը հունիսի 5-ի գիշերը դուրս են եկել բողոքի քայլերթի` վանկարկելով և պահանջելով կառավարության հրաժարականը: Նրանք շարժվել են իշխող «Արդարություն և զարգացում» կուսակցության Ադանայի նահանգային գրասենյակ: Ոստիկանական ուժերն օղակել են շենքը և փորձել կասեցնել ցուցարարներին: Ոստիկանները բարձրախոսով դիմել են ցույցի մասնակիցներին` ասելով հետևյալը. «Մի տրվեք սադրանքների: Մենք ձեզ սիրում ենք: Բախումն անխուսափելի է եղել: Հատուկջոկատայիններիև ջրցան մեքենաների միջոցով հնարավոր է եղել ցրել ցույցը: Ձերբակալվել է 25 ցուցարար:

Ermenihaber.am