Ցույցերի հետևանքով Ստամբուլի ֆոնդային բորսայում նկատելի անկում է արձանագրվել

Տնտեսական08:26, 06 Հունիս 2013

Ցույցերի հետևանքով Ստամբուլի ֆոնդային բորսայում նկատելի անկում է արձանագրվել

Թուրքիայում Գեզի զբոսայգու համար անցկացվող զանգվածային բողոքի միջոցառումների հետևանքով ողջ շաբաթվա ընթացքում թուրքական բորսան չի կարողացել պահպանել կայունություն:

Ըստ թուրքական «Ռադիքալ» օրաթերթի` Ստամբուլի ֆոնդային բորսայի ինդեքսը վերջին 3 օրվա ընթացքում արձանագրել է 7 տոկոսանոց անկում: Բիզնես ներդրումների բաժնետոմսերի գծով մասնագետ Օզգյուր Ալիօղլուն ասել է, որ հասարակության լարվածության պատճառով բորսայում խիստ անկայունություն է նկատվում: Ներդրում կատարողներն անհանգստացած են, բոլորը սպասում են այժմ պաշտոնական այցով աֆրիկյան երկրներում գտնվող վարչապետ Էրդողանի վերադարձին:

Մասնագետների դիտարկմամբ` բորսայում արձանագրված անկման վրա մեծ ազդեցություն ունի նաև ներդրողների անհանգստությունը` պայմանավորված ԱՄՆ կենտրանական բանկի (FED) կողմից ֆինանսական աջակցության նվազեցմամբ:

Ermenihaber.am