Էրդողանը հակառակվում է Եվրախորհրդարանին

Քաղաքական10:10, 13 Հունիս 2013

Էրդողանը հակառակվում է Եվրախորհրդարանին

Թուրքիայի վարչապետ Ռեջեփ Թայիփ Էրդողանը հանդես է եկել Եվրախորհրդարանին ուղղված կոշտ արձագանքով: Կուսակիցների հետ հանդիպմանը կառավարության ղեկավարն անդրադարձել է Գեզի զբոսայգու հետ կապված ցույցերի, զանգվածային բողոքին ու անկարգություններին: Նա հիշեցրել է, թե ինչպես էին տնտեսական ճգնաժամի պատճառով ամիսներ շարունակ ԵՄ անդամ երկիր Հունաստանում շարունակվում հանրահավաքներն ու ցույցերը:

«Ես չեմ ճանաչում Եվրախորհրդարանի` մեր մասին ընդունելիք որոշումը»,- ասել է Էրդողանը` հավելելով, որ իրենց նպատակը Թուրքիան ժամանակակից, զարգացած երկիր դարձնելն է: Մեղադրելով ընդդիմությանը հասարակական խռովությունների թեժացման մեջ` Էրդողանը իր ղեկավարած և երկրում իշխող «Արդարություն ու զարգացում» կուսակցության մասին, ըստ թուրքական NTV-ի, ասել է.

«Մենք այն կուսակցությունն ենք, որ ավելի շուտ կնախընտրենք մենք կործանվենք, քան` երկիրը»:

Հիշեցնենք, որ նախօրեին Եվրոպական խորհրդարանում Թուրքիայում տիրող իրավիճակին նվիիրված նիստ էր գումարվել, որի ժամանակ քննարկվել էին Գեզի զբոսայգու համար տեղի ունեցած բողոքի ակցիաները և դրանց հաջորդած զարգացումները: Մասնավորապես «Եվրոպայի լիբերալների և դեմոկրատների դաշինք»-ի խմբակցության ներկայացուցիչն էլ իր ելույթում ասել էր. «Թուրքիան լրագրողների ամենամեծ բանտն է: Այս առումով Ռուսաստանում Պուտինին տեսանք, Հունգարիայում` Ուրբանին, այժմ էլ Թուրքիայում Էրդողանին ենք տեսնում:

Ermenihaber.am