Թուրքիա. ցուցարարները որոշեցին շարունակել պայքարը

Տարածաշրջան10:08, 15 Հունիս 2013

Թուրքիա. ցուցարարները որոշեցին շարունակել պայքարը

«Թաքսիմի Համերաշխության պլատֆորմը», որը համակարգում է Ստամբուլի Գեզի զբոսայգու պահպանության համար մղվող բազմահազարանոց ցույցերը, երեկ 9 ժամ տևողությամբ ժողով է ունեցել, որից հետո հանդես է եկել հայտարարությամբ:

Հայտարարության մեջ մասնավորապես ասվում է. «Այսօրվանից սկսած, մեր հայրենիքում և աշխարհով մեկ տարածված պայքարի ուժով, մեր երկրում առկա ամեն տեսակի ապօրինության, անարդարության դեմ դիմակայությունը կշարունակենք:Այսօր մենք շարունակում ենք պայքարը հանուն մեր զբոսայգու, քաղաքի, մեր ծառերի, մեր բնակավայրերի, մեր ազատության և ապագայի: Մենք կշարունակենք հետևողական լինել մեր պահանջների կատարման հարցում: Այսօր , դիմակայության 18-րդ օրը մենք ավելի ուժեղ ենք, կազմակերպված ու լիահույս, քան նախկինում»:

Ավելի վաղ տեղեկացրել էինք, որ ցուցարարների ներկայացուցիչների և իշխանության միջև բանակցություններ են ընթանում:

Իսկ Թուրքիայի նախագահ Աբդուլլահ Գյուլը թվիթերի իր էջում Գեզի զբոսայգու դեպքերի վերաբերյալ գրառում է կատարել` կոչ անելով ցուցարարներին վերադառնալ տուն:

Ermenihaber.am