Ստամբուլի Գեզի զբոսայգում կտնկեն 20 ծառ և 152.000 ծաղիկ

Տարածաշրջան06:51, 17 Հունիս 2013

Ստամբուլի Գեզի զբոսայգում կտնկեն 20 ծառ և 152.000 ծաղիկ

Թուրքական «Անադոլու» լրատվական գործակալության տեղեկացմամբ` Ստամբուլի քաղաքապետարանի կողմից տարածված հայտարարության համաձայն` ցուցարարներին այգուց հեռացնելուց հետո 1000 հոգանոց խումբը մարքման ու բարեկարգման աշխատանքներ է իրականացրել այգում և շրջակայքում:

Ստամբուլի զբոսայգիների և կանաչապատ տարածքների պահպանության վարչությունը տեղեկացրել է, որ Թաքսիմում 20 ծառ և 152 հազար ծաղիկներ են տնկվում: Իսկ ցույցերի ընթացքում վնասված հասարակական տրանսպորտի կանգառները, լուսաֆորները, ճանապարհային ցուցանակները և տեսախցիկները նույնպես վերանորոգվում ու նորացվում են:

Հիշեցնենք, որ մայիսի 28-ից Թուրքիայում սկսվել էին զանգվածային բողոքի ցույցեր, որոնց պատճառն իշխանությունների քաղաքաշինական նոր ծրագիրն էր, ըստ որի, Ստամբուլի կենտրոնական Գեզի զբոսայգու մեծ մասը պետք է ոչնչացվեր, իսկ ծառերը` հատվեին: Հունիսի 15-ին Թուրքիայի վարչապետ Ռեջեփ Թայիփ էրդողանի կարգադրությամբ ոստիկանները ցուցարարներին հեռացրել է զբոսայգուց:

Ermenihaber.am