Էրդողան. «Ոստիկանության միջամտությունը ցույցերին ավելի կուժեղացնենք»

Տարածաշրջան11:54, 18 Հունիս 2013

Էրդողան. «Ոստիկանության միջամտությունը ցույցերին ավելի կուժեղացնենք»

Թուրքիայի վարչապետ Ռեջեփ Թայիփ Էրդողանը իր գլխավորած «Արդարություն և զարգացում» կուսակցության (ԱԶԿ-AKP) խմբակցության ժողովի ընթացքում, խոսելով Գեզի զբոսայգու շուրջ ծավալվող դեպքերի մասին, հանդես է եկել ուշագրավ հայտարարություններով:

Նա մասնավորապես ակնարկել է, թե այդ բողոքի ակցիաները նախապես պատրաստված են եղել և սադրիչները նպատակ են ունեցել թուրք ժողովրդին և ամբողջ աշխարհին այլ Թուրքիայի պատկեր ներկայացնել: Նա պնդել է, որ ամեն բան կազմակերպված է եղել շատ պրոֆեսիոնալ ձևով և թե տեղական, թե միջազգային մամուլը որպես գործիք են ծառայել` տարածելով սուտ ու չափազանցված տեղեկատվություն:

Խոսելով ցուցարարների մասին նա ասել է, որ հրապարակ էին դուրս եկել մարդիկ, ովքեր մի կողմում Թուրքիայի դրոշն էին ծածանում, իսկ մյուս կողմում այն այրում: Մի կողմում նամազ էին անում, իսկ մյուս կողմում` կոշիկնեով մզկիթ մտնում ու մզկիթում ալկոհոլային խմիչքներ օգտագործում, վիրավորում գլխաշորավոր կանանց:

«Մեր իրավապահ ուժերը գործել է ժողովրդավարության և օրենքի սահմաններում, և ծայրաստիճան համբերատար են եղել: Նրանք ժողովրդավարության քննությունը հաջողությամբ են անցել: Մեր ոստիկանությանը էլ ավելի կուժեղացնենք, կավելացնենք նաև միջամտության ուժը»,- ասել է էրդողանը:

Ermenihaber.am