Թեհրանը Թուրքիայի ներքին խռովությունները համարում է այդ երկրի ներքին գործ

Տարածաշրջան13:34, 18 Հունիս 2013

Թեհրանը Թուրքիայի ներքին խռովությունները համարում է այդ երկրի ներքին գործ

Իրանի արտգործնախարարության մամուլի խոսնակ Աբբաս Իրաքչին հրավիրված մամուլի ասուլիսի ժամանակ նշել է, որ Թուրքիայում ընթացող բողոքի ցույցերն այդ երկրի ներքին գործն է և այլ պետությունները խառնվելու իրավունք չունեն:

Այս մասին հայտնող թուրքական «Դողան հաբեր» լրատվական գործակալության տեղեկացմամբ` Իրանի ԱԳՆ խոսնակը նաև նշել է, որ պաշտոնական Թեհրանը մաղթում է, որ առկա խնդիրը լուծվի թուրքական իշխանությունների և ցուցարարների ողջամտության շրջանակներում և խաղաղ ճանապարհով:

Սիրական ճգնաժամին անդրադառնալով` Իրաքչին հերքել է շրջանառվող այն լուրերը, ըստ որոնց, իբր Թեհրանը պատրաստվում է 4 հազարանոց զորաջոկատ ուղարկել Սիրիա` պաշտպանելու Բաշա Ասադի վարչակազմը:

«Բացեիբաց հերքում ենք, որ նման բան չկա: Սիրիայի կառավարությունը և բանակը ահաբեկչական խմբերի դեմ պատերազմելու համար օգնության կարիք չունեն և ինքնուրույն կարող են թշնամիների հետ կռիվ տալ»:

Նշվում է, որ իրանական զորքեր Սիրիա ուղարկելու մասին լուրը տարածվել էր բրիտանական «The Independent» թերթից և լայնորեն տարածվել թուրքական մամուլում:

Ermenihaber.am