Թուրքիայի իշխանությունները նահանջեցին, ցուցարարների ձեռքբերումը

Տարածաշրջան11:11, 18 Հունիս 2013

Թուրքիայի իշխանությունները նահանջեցին, ցուցարարների ձեռքբերումը

Անկարայի իր նստավայրում լրատվամիջոցների ներկայացուցիչներին ընդունած Թուրքիայի նախագահ Աբդուլլահ Գյուլը տեղեկացրել է, որ հանրային դժգոհության պատճառ դարձած Գեզի զբոսայգու և Թաքսիմ հրապարակի կառուցապատման քաղաքաշինական նախագիծն առկախվել է, և բոլոր ուղերձները դիտարկվելու են:

Նախագահ Գյուլը նշել է, որ այդ նախագծի հետ կապված բոլոր առարկությունները հարկավոր է լսել և երկխոսության միջոցով հասնել հանգուցալուծման: Ըստ նրա` արդեն ժամանակն է, որ բոլոր անհանգստացողներն իրենց տեսակետները, առաջարկությունները, դիտողություններն ու դատողությունները օրինական սահմանված կարգով ներկայացնեն պատկան մարմիններին:

«Արդեն անհրաժեշտ է, որ վերջ տրվի փողոցային ու գիշերային անկարգություններին: Այդ ամենը խաթարում է հանրային անդորրը: Ոմանք չեն գիտակցում, բայց դա վնաս է հասցրել նաև երկրի տնտեսությանը: Առաջին իսկ օրն եմ ասել. Այստեղ Թուրքիայի հեղինակության խնդիր կա: Հարկավոր է, որ բոլորս ամեն կողմից պահպանենք Թուրքիայի վարկանիշը»,- ըստ «CNNTurk»-ի` ասել է Աբդուլլահ Գյուլը:

Ermenihaber.am