Թուրքիա. ֆորումին հայերի ու հույների մասնակցությունը հարձակման ենթարկվելու պատճառ

Տարածաշրջան13:03, 21 Հունիս 2013

Թուրքիա. ֆորումին հայերի ու հույների մասնակցությունը հարձակման ենթարկվելու պատճառ

Ստամբուլի Յենիքյոյ այգում կազմակերպված ֆորումի մասնակիցների վրա հարձակում է տեղի ունեցել: Թուրքական «Բիրգյուն» էլեկտրոնային լրատվականի հաղորդմամբ` մոտ 150-200 մարդ, որոնց մեջ եղել են նաև զգալի թվով կանայք և երեխաներ, հավաքվել էին քննարկելու, թե Գեզի այգու համար սկսված բողոքի գործողությունները ինչպիսի շարունակություն կարող են ունենալ:

Հավաքվածներին մոտեցած 10-15 հոգանոց խումբը, որոնց մեջ եղել է նաև Յենիքյոյի համայնքապետը, սպառնացել է նրանց` հրահանգելով ցրվել այդտեղից, իսկ մոտակա ճանապարհով անցնող մեքենայից էլ օդ են կրակել:

Հակառակ այս ամենին հավաքվածները նրանց բացատրել են հավաքի նպատակը և հրավիրել միանալ քննարկումներին: Սակայն որոշ ժամանակ անց սպառնալիքներ տեղացող խմբին միացել են նոր անձիք և համալրվելով հարձակման անցել այգում հավաքվածների վրա:

Ֆաշիստ ազգայնական խումբը իմանալով, որ ֆորումին մասնակցում են նաև հայեր և հույներ, «Հայերի ու հույների պոչն եք բռնել» և «Ալլահ-ու-եքբեր» կոչերով շարժվել են դեպի հավաքվածները: Հաղորդվում է, որ հարձակման պատճառով առնվազն մեկ մարդ է վիրավորվել:

Հարձակվողները պնդել են, թե հավաքվածները ցանկանում են խոչընդոտել Յեշիլքյոյ այգում մզկիթի կառուցմանը: Թերթի հաղորդմամբ Յենիքյոյի համայնքապետը հայտնի է այդ տարածքում գտնված և 1958 թվականին քանդված մզկիթի տեղում նորը կառուցելու իր պատրաստակամությամբ: Սակայն տարածքում շատ մզկիթներ լինելու պատճառով էլ կառուցման աշծատանքներին իրենց հավանությունը չեն տալիս տեղաբնակները:

Նշվում է, որ հարձակումից հետո էլ ֆաշիստ հետադիմականներն իրենց հարձակումը շարունակել են թվիթերյան հաշիվներից հայհոյանքներ գրելով:

Ermenihaber.am