ERMENI HABER AJANSI

Թուրքիայի ներքին գործերի նախարարությունը հրապարակել է տվյալներ Ստաբուլի Թաքսիմի հրապարակից սկսված և հետո երկրի բազմաթիվ քաղաքներ ընդգրկած ցույցերի ու երթերի մասին: Այսպիսով պաշտոնական տվյալների համաձայն` մայիսի 31-ից սկսած բողոքի միջոցառումներին մինչև օրս մասնակցել է մոտավորապես 2.5մլն մարդ: Քաղաքացիական անձանցից վիրավորվել է շուրջ 4.000, իսկ ոստիկաններից` 600 մարդ: 

Զոհերի մասին զեկույցում ոչինչ չի նշվում, սակայն լրատվամիջոցներում տարածված տեղեկությունների համաձայն` զոհվել է 6 մարդ, որոնցից մեկը` ոստիկան:

Նշվում է, որ քաղաքացիական խռովությունները ալիքը տարածվել է երկրի 81 նահանգներից 79-ում: Բողոքի հանրահավաքներ չեն եղել միայն Բայբուրթ և Բինգյոլ (Բյուրակն) նահանգներում:

Բախումների և զանգվածային անկարգությունների հետևանքով, ըստ նախարարության տվյալների, հարձակման են ենթարկվել ու ավերվել կուսակցական 14 գրասենյակ, հասարակական նշանակության 58 շենք-շինություն, քաղաքապետարանների հաշվեկշռում գտնվող 90 ավտոբուս, ոստիկանության` 240, շտապ օգնության` 45 և մասնավոր 214 տրանսպորտային միջոց:  

Ermenihaber.am