«Ավազակների ժողովրդական կուսակցություն»` նոր քաղաքական ուժ Թուրքիայում

Քաղաքական07:03, 25 Հունիս 2013

«Ավազակների ժողովրդական կուսակցություն»` նոր քաղաքական ուժ Թուրքիայում

«Վերակառուցում սոցիալիստական կուսակցությունը» գրանցման համար դիմել է Թուրքիայի Ներքին գործերի նախարարություն: Այս մասին հայտնում է թուրքական «Ջիհան» լրատվական գործակալությունը:

Կուսակցության համանախագահ Նեժլա Քուրուլը հայտնել է, որ իրենց նորաստեղծ կուսակցության համար կարևոր խնդիրներից են գենդերային հավասարությունը, քրդական հարցը ու դրա խաղաղ կարգավորումը և առհասարակ երիտասարդության առջև ծառացած խնդիրները:

Կուսակցության մյուս համանախագահ Թունջայ Յըլմազը, տեղեկացնելով, որ Գեզի զբոսայգու դեպքերը հիմք հանդիսացան կուսակցության ստեղծման համար, ասել է. «Անարդարության զոհ դարձածների, վարչապետ Էրդողանի կողմից «ավազակ» կոչվածների կուսակցությունն ենք մենք: Մեր կուսակցության անունը «Վերակառուցում սոցիալիստական կուսակցություն» է, բայց հեգնանքով կարող եք նաև «Ավազակների ժողովրդական կուսակցություն» անվանել»:

Հիշեցնենք, որ Գեզի զբոսայգու բողոքի ցույցերի մասնակիցներին Թուրքիայի վարչապետը «ավազակներ» էր անվանել: Այդ պիտակավորումն ակտիվորեն շրջանառության մեջ մտավ նաև ցուցարարների շրջանում` որպես բողոքի նշան` ուղղված Էրդողանին:

Ermenihaber.am