Քուրդ պատգամավոր. «Բանակում ոչ թուրքերի ինքնասպանության դեպքերը պատահական չեն»

Տարածաշրջան10:03, 08 Հուլիս 2013

Քուրդ պատգամավոր. «Բանակում ոչ թուրքերի ինքնասպանության դեպքերը պատահական չեն»

Թուրքիայում քրդական «Խաղաղություն և ժողովրդավարություն» կուսակցության պատգամավոր Մյուլքիյե Բիրթանեն ուշագրավ հայտարարություն է արել բանակում ոչ թուրքերի ինքնասպանությունների վերաբերյալ: Այս մասին հայտնում թուրքական «Հաբերլեր» լրատվական կայքը:

Բինգյոլում զինծառայող Ադեմ Քարքանի դին հայտնաբերվել էր մեքենայի մեջ` ծնոտի տակից հրազենային վնասվածքով: Զինվորական պատասխանատու մարմինները առաջ էին քաշել ինքնասպանության վարկածը: Սակայն այդ ուղղությամբ ապացույցներ չեն գտնվել, իսկ ընտանիքը այդ վարկածին չի հավատում: Բիրթանեն Քալքանի սպանության վերաբերյալ համոզիչ փաստարկ է գտել: Բիրթանեն թուրքական մեջլիսում կայացած մամուլի ասուլիսի ժամանակ հայտարարել է, որ պատահականություն չէ, որ զորամասերում ինքնասպանության դեպքերից մահացած զինվորների մեծ մասը քուրդ, ալևի, հայ և դեմոկրատական շրջանակներից են:
«Զորանոցներում բոլոր մահվան դեպքերը որպես ինքնասպանություն քննելը ակնհայտորեն ուշադրություն շեղելու համար է», - ընդգծել է պատգամավորը:

Ermenihaber.am