Թուրք պատգամավորի անբարո արտահայտությունը մեջլիսում քաշքշուկի պատճառ է դարձել (լուսանկարներ)

Տարածաշրջան07:35, 12 Հուլիս 2013

Թուրք պատգամավորի անբարո արտահայտությունը մեջլիսում քաշքշուկի պատճառ է դարձել (լուսանկարներ)

Նախօրեին Թուրքիայի Ազգային Մեծ Ժողովում (ԹԱՄԺ-TBMM) պատգամավորների միջև վեճ է ծագել: Նիստի ժամանակ իշխող և ընդդիմադիր կուսակցությունների պատգամավորները հայհոյել են իրար և քաշքել:Վեճի պատճառը իշխանական «Արդարություն և զարգացում կուսակցության» (ԱԶԿ-AKP) անդամ, պատգամավոր Զեյիդ Ասլանի և լրագրողների միջև տեղի ունեցած միջադեպն է եղել:

Բանն այն է, որ նախորդ օրը խորհրդարանում նիստը շարունակվել է մինչև ուշ գիշեր և պատգամավորներից որոշները ,այդ թվում և Զեյիդ Ասլանը, խորհրդարանի այգում բազկաթոռների վրա քնել են` հանելով կոշիկները: Լրագրողներից մեկը նկարել է այս տեսարանը և նկարը հայտնվել է թուրքական թերթերից մեկի առաջին էջին: Սա առաջացրել է ԱԶԿ-ական պատգամավորի զայրույթը և նա վիրավորել է լրագրողուհիներին ասելով` «Ես էլ ձեր ոտքերի արանքը կնկարեմ ու այդ նկարը կհրապարակեմ»:

Ասլանի այս խոսքերը չեն վրիպել մյուս պատգավորների աչքից և վեճը տեղափոխվել է մեջլիս: Ընդդիմադիր կուսակցություններից որոշ պատգամավորներ իրենց ելույթներում քննադատել են Զեյիդ Ասլանի պահվածքը: Այնուհետև ելույթ է ունեցել Ասլանը `վիրավորանքներ հնչեցնելով ընդդիմադիր պատգամավորների հասցեին: Բանը հասել է նրան, որ պատգամավորները սկսել են միմյանց քաշքել ու հայհոյել:

Ermenihaber.am