Թուրքիան ամենաարդյունավետն է պայքարում ծխախոտի դեմ

Տարածաշրջան11:32, 12 Հուլիս 2013

Թուրքիան ամենաարդյունավետն է պայքարում ծխախոտի դեմ

Առողջապահության համաշխարհային կազմակերպությունը Պանամայում հրապարակել է «Ծխախոտի գլոբալ համաճարակ 2013» վերնագրով զեկույցը: Թուրքական «Սաբահ» էլէկտրոնային լրատվականի հաղորդմամբ՝ «Ծխախոտի դեմ պայքարի շրջանակային կոնվենցիան» վավերացրած 176 երկրների կողմից ծխախոտի դեմ տարվող պայքարը գնահատող զեկույցում Թուրքիան ճանաչվել է միակ երկիրը, որը պայքարն իրականացրել է դրա համար սահմանված վեց դրույթներն իրագործելով:

Ահա ԱՀԿ-ի կողմից սահմանված ծխախոտի դեմ պայքարի գլխավոր վեց ուղղությունները.

Բարձրացնել ծխախոտի գինը և հարկը
Արգելել ծխախոտի գովազդը, ցուցադրությունը և հովանավորությունը
Պաշտպանել հասարակությանը սիգարետի պասիվ ծխից
Զգուշացնել հասարակությանը ծխախոտի սպառնալիքների մասին
Օգնել ծխախոտը թողնել ցանկացողներին
Մանրակրկտորեն հետևել ծխախոտի համաճարակին և պաշտպանիչ միջոցառումներին

Թվարկված բոլոր վեց կետերին մանրակրկտորեն հետևելու համար Թուրքիան զեկույցում Թուրքիան անվանվել է ծխախոտի դեմ պայքար իրականացնող երկրի մոդել: Նշվել է, որ Թուրքիան կարող է հաջողությամբ իրականացնել համաշխարհային պայքար: Մոտ քսան երկիրի ներկայացուցիչներ արդեն մեկնել են Թուրքիա՝ վերջինիս ծխախոտի դեմ պայքարի փորձն ուսումնասիրելու:

Զեկույցում որպես վեց կետերից չորսն ամբողջությամբ իրականացրած երկրներ թվարկվել են Բրազիլիան, Իրանը և Պանաման:

Ermenihaber.am