Milliyet.«Թուրքական զինված ուժերի կոշտ ուղերձը Հայաստանին»

Քաղաքական08:54, 15 Հուլիս 2013

Milliyet.«Թուրքական զինված ուժերի կոշտ ուղերձը Հայաստանին»

Թուրքական «Միլլիյեթ» (Milliyet) պարբերականում հրապարակված «Թուրքիայի զինված ուժերի կոշտ ուղերձը Հայաստանին» վերտառությամբ հոդվածում անդրադարձ կա ՀՀ գլխավոր դատախազ Աղվան Հովսեփյանի հայտարարությանը` կապված Թուրքիայից հայկական հողերը վերադարձնելու անհրաժեշտությանը:

Այդըն Հասանի հեղինակած հոդվածում ասվում է, որ մոտակա օրերին անցկացվելու են թուրք-ադրբեջական զորավարժություններ, որոնք իրենց մեջ կրում են այն ուղերձը, թե «ի պատասխան հողային պահանջին Թուրքիան Հայաստանին զենքի փողը ցույց տվեց»:

«Բաքվում և Նախիջևանում անցկացվող թուրք-ադրբեջանական զորավարժությունների ՀՀ գլխավոր դատախազ Աղվան Հեվսեփյանի` Թուրքիայի նկատմամբ հողային պահանջի համատեսքտում առանձնահատուկ կարևորություն ունեն: Այս կերպ Հայաստանին խորհրդանշական ուղերձ է հղվում այն մասին, որ Թուրքիայի զինված ուժերը Թուրքիայի և Ադրբեջանի տարածքային ամբողջականությունը պահելու հարցում վճռական են»,-ասվում է հոդվածում:

Հոդվածում նաև նշվում է, որ այս զորավարժությունները նախօրոք պլանավորված էին , սակայն դրանք առանձանկի կարևորություն ստացան միայն այն պատճառով որ ժամկետների առումով համընկան Աղվան Հովսեփյանի հայտարարության հետ:

Հիշեցնենք, որ օրերս Հայոց ցեղասպանության 100-րդ տարելիցին ընդառաջ ՀՀ Սփյուռքի նախարարության նախաձեռնությամբ կազմակերպված իրավաբանների համաժողովում ՀՀ գլխավոր դատախազ Աղվան Հովսեփյանը իր ելույթում նշել էր, որ հայ եկեղեցուն պետք է վերադարձվեն Թուրքիայի տարածքում հրաշքով կանգուն մնացած եկեղեցիները և եկեղեցապատկան հողերը, Հայաստանի Հանրապետությունն էլ պետք է ստանա իր կորցրած տարածքները:

Ermenihaber.am