Լարվածություն թուրք-սիրիական սահմանին. Թուրքական ԶՈՒ-ում «կարմիր տագնապ» է հայտարարվել

Տարածաշրջան09:14, 19 Հուլիս 2013

Լարվածություն թուրք-սիրիական սահմանին. Թուրքական ԶՈՒ-ում «կարմիր տագնապ» է հայտարարվել

Սիրիայում քրդական «Ժողովրդավարական Միություն» կուսակցության և ընդդիմադիրների միջև Թուրքիային սահմանակից շրջաններում 2 օր է արդեն բախումները շարունակվում են: Բախումների հետևանքով փամփուշները հասնում են Թուրքիա: Այս զարգացումների պատճառով Թուրքիայի զինված ուժերում «կարմիր տագնապ» է հայտարարվել: Անօդաչու և F-16 ռազմական ինքնաթիռները օդում վերահսկողություն են իրականացնում, իսկ ցամաքում `սահմանային գիծ են տեղափոխվել տանկեր և զինվորների ջոկատներ: Այս մասին տեղեկացնում է թուրքական «Սաբահ» պարբերականը:

Ինչպես տեղեկացրել էինք ավելի վաղ, Թուրքիայի ԶՈՒ գլխավոր շտաբը հայտարարություն է տարածել այն մասին, որ նախօրեին Թուրքիա –Սիրիա սահմանին` թուրքական Ջեյլանփընար և սիրիական Ռեսուլայն շրջանի միջև ընկած հատվածում տեղի ունեցող բախումների ընթացքում սիրիական կողմից Թուրքիայի ուղղությամբ կրակ է արձակվել, ինչին ի պատասխան թուրք սահմանապահները նույնպես կրակ են բացել։